Við eigum nóg af fólki handa þeim

.......sem þeir geta fengið og þurfa ekki að skila aftur. Vant ýmsum stjórnunarstörfum.

Þjóðstjórnarsamningur í hættu

"Stay strong"

     Ungur breskur blaðamaður sendi mér tölvupóst.  Stay strong.  Hann er stjórnmálafræðingur að mennt. Og var kjörinn bjartasta von í breskri blaðamennsku fyrir tveimur árum. Ég ætla að hlusta á hann

Núllstillt Nýja Ísland

......Sjáum tækifærin í því.  Á einni viku erum við öll orðin hagfræðingar.  Við höfum verið rassskellt allóþyrmilega. Sum okkar að ósekju. Reynum að læra af þessu.  Myndum okkur skoðanir á því í hvernig samfélagi við viljum búa í.   Lífið er hreint ekki búið....kannski rétt að byrja.  Við lærum kannski að forgangsraða rétt.  Hver eru raunveruleg verðmæti okkar í lífinu?  Hvað þarf til að byggja upp gott samfélag?  Kannski höfum við jafnvel gott af smáskelli.   Ísland hefur alla burði fyrir gott þjóðfélag.  Við verðum öll að takast á við erfiðleika.   Enginn getur skorast undan. Tími græðgisvæðingar er liðinn. Tími ofurlauna er liðinn.  Tími einkavinavæðingar er liðinn.  Vonandi er tími jafnréttis að renna upp.

Okkur verður bjargað úr verstu krísunni.  Svona "falleg, vel menntuð vestræn þjóð verður ekki gerð hungurmorða"   En lærum. Hugsum. Vöknum.    Það gleður mig að "útrásarvíkingarnir" gefa kost á sér í viðtöl.  Þeir eru ekkert flúnir.  Kannski geta þeir skilað einhverju til baka. Ég hef enga trú á að þeir vilji  Ísland gjaldþrota. Ég hef fulla trú á að þeir muni gera sitt besta.

Gamla Ísland eins og við þekkjum það er farið ( Sigurgeir Orri)  en það gefur okkur tækifæri til að hugsa hlutina upp á nýtt.

En við sem þjóð verðum að vakna.....og vita hvernig þjóðfélagi við viljum búa í.

En margir þurfa neyðaraðstoð núna og ég held að stjórnvöld séu að gera sitt besta til að tryggja það.

Fögnum Nýja Íslandi,  landi jöfnuðar.

Kosningaslagorð á Nýja Íslandi

.....hvernig verða þau?  Ég er handviss um að núverandi flokkakerfi á eftir að riðlast mikið. Og það er rétt hjá Agli Helgasyni að það geta verið spennandi tímar að byggja upp aftur. Heimsmyndin verður gjörbreytt eftir að þessari kreppu líkur. Valdahlutföll eiga eftir að breytast í heiminum. Og Nýja Ísland verður öðruvísi en það sem við þekkjum núna.  Mörg uppgjör eiga eftir að fara fram. Og einhverjir verða að axla ábyrgð.  Kannski er loksins kominn tími jafnréttis?   Ég held að tími kvenna sé að koma á ÍSLANDI. Verðmætamatið á eftir að gjörbreytast sem ég held að verði gott.

Munið þið eftir síðustu kosningaloforðum? Og slagorðunum? Hvað með " traust efnahagsstjórn" og góðæri.  Nú er jú hallæri.  Og ljóst að efnahagsstjórnin brást. Hvernig haldið þið að slagorðin hljómi næst? ( geri ráð fyrir að við höldum sjálfstæði).  Gerist nú spámenn í eigin föðurlandi.

Það er ekkert nýtt

.....að konur séu látnar taka til eftir karlana.

En það er nýtt að konum sé treyst til að vera bankstjórar......ég er viss um að það veit á gott. 2 nýir bankastjórar eru konur.   Vonandi verður það framtíðin á NÝJA ÍSLANDI. Tími ofurlauna er liðinn á Íslandi.

Væri Edda Rós  Karlsdóttir ekki góður seðlabankastjóri?

Er ekki lag núna að lögbinda hámarkslaun?

Og nú er lag að breyta lífeyrisréttindum ráðherra og þingmanna til samræmis við réttindi annara Íslendinga.

Birna verður væntanlega bankastjóri Glitnis

Örvilnan

.....stöðug berast fréttir af uppsögnum og margir hafa tapað sínu sparifé. Af hverju eru ekki stýrivextir lækkaðir strax? Af hverju er persónufrádráttur ekki hækkaður strax?  Afhverju er kvótinn ekki þjóðnýttur strax? Afhverju eru ekki eigur auðmanna þjóðnýttar strax?  Hversu lengi getum við greitt atvinnuleysisbætur?  Námsmenn erlendis þurfa neyðaraðstoð strax.

Nú þegar hefur þetta ástand valdið óbætanlegum mannlegum hörmungum. Ég hvet fólk til að leita hjálpar hjá geðheilbrigðissviði Landspítala ef það telur sig í þörf fyrir það.

En ég hjó eftir smá bjartsýni hjá konunni....hún hvetur landsmenn til að leggja peninga inn í bankann.....er einhver sem getur það?

Ég er ekki örvilnuð enn, er barasta foxill.

Bankamenn í tilfinningarússi

Hvað megum við kaupa og hvað ekki?

............þarf ekki að setja strangar reglur um hvað við megum kaupa til landsins og hvað ekki?  Nú er búið að þeyta okkur áratugi aftur í tímann.  Við hljótum í þessum þrengingum að setja strangar reglur um hvernig gjaldeyrir er notaður.  Við erum varla að flytja inn lúxusvarning?

Nú hljóta Íslendingar að velja íslenska vöru.

Ég er foxill.........út í sjálfstæðisflokk og framsóknarflokk, ofurlaunabankamenn, SÍ og útrásarvíkinga.

Lyfjabirgðir tryggðar fram yfir áramót

Nú þarf ég lífverði!

......ég er nefnilega sammála Brown.  Stjórnvöld á Íslandi hafa brugðist og fá þess vegna rassskell. Sannleikanum er hver sárreiðastur. Stefna sjálfstæðisflokksins er búin að gera Ísland gjaldþrota með hjálp frá útrásarglönnum.

Ekki er ótrúlegt að við sem þjóð séum að missa fjárræði.  Þvílík skömm. Hafi ég einhvern tímann tækifæri til að fara  til útlanda framar ætla ég að segjast vera norsk.

Mjög óvinveitt aðgerð

Ég er vöknuð af martröðinni

.....ef þetta eru helstu mál framsóknarflokksins þessa dagana þá hljótum við bara að vera í góðum málum.  Þá hefur okkur verið að dreyma undanfarna daga.

Annars tók ég eftir því á blaðamannafundinum þegar Geir var spurður að því hvort stjórn SÍ nyti fulls trausts...............þá svaraði hann ekki spurningunni.  Mér kæmi ekki á óvart að Sjálfstæðisflokkurinn klofnaði vegna DO.

Mér finnst ég vera að upplifa stríðstíma.....

Lagt til að frídagar verði fluttir

En Íslenskir bankar ?

.....af hverju fáum við ekki að vita í hvaða sæti Íslenskir bankar eru?

Kanadíska bankakerfið það traustasta í heimi