Svart á hvítu.

Meðalgrunn ljósmæðra með  6 ára   háskólanám  eru  306  þús.

Meðalgrunn lögfræðinga sem starfa hjá ríkinu eru 394 þús. 5 ára háskólanám

Meðalgrunnlaun verkfræðinga hjá ríkinu eru 427 þúsund krónur. Miðað við 5 ára háskólanám.

Hvað veldur þessum mikla mun?

Stálin stinn

.....Ég man svo langt að fyrir síðustu kosningar lögðu allir stjórnmálaflokkar á það áherslu að leiðrétta þyrfti kjör umönnunarstétta. Verst að þeir sem eru við stjórnvölin hafa ekki þetta sama langtímaminni.  Nei allir kjarafundir til þessa hafa verið árangurslausir. Ljósmæður eru þegar farnar að segja upp. Hjúkrunarfræðingar hafa í hundruðatali flúið úr vinnu.  En ekkert gerist. Mikil eftirspurn eftir hjúkrunarfæðingum hefur ekki hækkað launin.....Hjá kvennastéttum gilda ekki sömu lögmál og hjá karlastéttum. Mannekla á Landspítala og hjúkrunarheimilum er viðvarandi. Álag á starfsfólk er víða ómannlegt. Miklar yfirvinnukröfur.  Ég er hrædd um að ef ekki tekst að fá leiðréttingu á launum núna verði stórfelldur flótti úr báðum þessum stéttum.  Ég hvet hjúkrunarfræðinga og ljósmæður að standa þétt saman og gefast ekki upp í kjarabaráttu einu sinni enn.

Engin niðurstaða á fundi hjúkrunarfræðinga

Ný ríkisstjórn

       hvernig væri að mynda nýja ríkistjórn á blogginu? Draumaríkisstjórn.  Af hverju erum við með Iðnaðaráðherra?   Ætti það ekki að vera atvinnumálaráðherrra?  Bara nafnið Iðnaðarmálaráðherra er einhvern veginn svo stóriðjuhvetjandi. Hverja viljið þið sjá í ráðherraembættum?

Eini ráðherrann sem ég sé vera að vinna vel fyrir þjóðina er Jóhanna....svo ég nefni hana sem Félagsmálaráherra áfram.  Þó ég gæti vel hugsað mér Stefán Ólafsson sem forseta með frú Eddu sem Forsetafrú ætla ég að nefna hann sem forsætisráðherra.   Mér litist vel á Jón Ásgeir sem fjármálaráðherra.   Steingrímur J væri ágætur í Utanríkisráðuneytið....og jafnvel aftur í Samgönguráðuneytið.  Guðjón Arnar í  sjávarútvegs-og landbúnaðarráðuneyti. Ég er að hugsa um að vera sjálf Heilbrigðismálaráðherra  Svo vil ég Ragnhildi Arnljótsdóttur sem Dómsmálaráðherra og systur hennar Þórhöllu sem Menntamálaráðherra.  Láru Hönnu sem Umhverfismálaráðherra. Set Ingibjörgu Sólrúnu í Menntamálaráðuneytið.  Auk þess legg ég til að á krepputímum verði þingmönnum fækkað um 20. Embætti aðstoðarmanna þingmanna verði lagt niður. Ekki veitir af aðhaldi eftir glöp síðustu ára. Nýju embætti verður þó komið á legg; Skemmtanastjóri Lýðveldisins og nefni ég til embættis Halldór tannlækni á Akureyri.

Komið nú með tillögur..

FÁRÁNLEG UMRÆÐA

Svo undarlegt sem það nú er virðast álverssinnar telja þá sem eru á móti vilja afturhvarf til fortíðar. Að við viljum  jafnvel lýsa upp með lýsislömpum.  Ég hef hvergi séð að fólk vilji ekki nýta raforku....auðvitað vilja allir nýta auðlindirnar en bara skynsamlega. Við viljum bara drepa varlega niður fæti og horfa lengra en 10 ár fram í tímann.  Hreint land fagurt land og Fagra Ísland eru orðin tóm ef fram heldur sem horfir. Ferðamenn koma að sjá ósnortna náttúru.  Ósnortin náttúra verður okkar aðalauðlind í framtíðinni ef við bara berum gæfu til að vernda hana. Samfylkingin fékk mörg atkvæði út á það að vilja vernda Íslenska náttúru.....ekki víst að við gleypum við því næst. Það er þegar komið of mikið af stóriðju hér. Segjum stopp.

Ég er bara döpur

......hvernig getur nokkrum dottið í hug að klína álveri við Húsavík?  Menn fagna út og suður en ekki ég.  Bara sjónmengunin er slík að ég fæ hroll. Væri ekki betra að reyna að fá netþjónabú???  Afhverju ekki að skapa atvinnu kringum góða vatnið á höfðanum sem hefur mjög góð áhrif á húðsjúkdóma?  Afhverju ekki að byggja upp heilsuhótel?  Afhverju dettur fólki ekkert í hug nema álver?  Framsýnin er engin.  Ég veit að það skapar atvinnu bæði á byggingarstigi og síðan þegar það er fullbyggt.  Þarf að flytja inn fólk til að vinna þar?  Húsavík þessi fallegi bær á betra skilið en álver. Ég skil vel að Össur hafi skammast sín við undirritunina.   Ég fæ af og til verulegar heimþrárkviður til Húsavíkur....og mikið var fallegt þar í sólinni um daginn. Álver á Húsavík læknar mig fullkomlega af þessari heimþrá....það yrði alger eyðilegging á þessum dásamlega bæ.

Viljayfirlýsing framlengd

Væri það óeðlilegt .....

  að hjúkrunarfræðingar gerðu sömu launakröfur og flugumferðarstjórar?  Hversu langt er nám flugumferðarstjóra?  Hjúkrunarfræðingar eru með í grunninn 4ra ára háskólanám. Báðar stéttir vinna vaktavinnu, báðar stéttir vinna "rauða" daga. Báðar stéttir bera mikla ábyrgð.  Önnur er karlastétt hin kvennastétt.  Launakröfur hjúkrunarfræðinga eru vægast sagt hófstilltar.  Auðvitað á að gera sömu kröfur og karlastéttir gera.....fyrr næst ekkert kynjajafnrétti. Hví skyldi tími kvenna vera á útsöluprís?  Afhverju gera konur svona miklu minni kröfur en karlar? Bendi svo á að hjúkrfr. eru ekki að boða verkfall heldur yfirvinnubann. En vegna manneklu og álags er það nóg til að lama margar deildir Landspítalans. Afhverju hækka launin ekki þrátt fyrir mikla eftirspurn....það lögmál gildir alltaf hjá karlastéttum. Afhverju kjósa mörg hundruð hjúkrunarfræðingar að fara í önnur störf en hjúkrun?

Ég sé að flugumferðarstjórar fá æði gott vetrarfrí. Hjúkrunarfræðingar fá 10 daga vetrarfrí.....sem kemur í staðinn fyrir jóla og páskafrí sem aðrir fá.....við fáum frídagana bara á öðrum tíma.

Veltið þessu fyrir ykkur.

Engar undanþágur veittar

Droplaugarstaðir.

Ég er eiginlega sammála því að fyrst borgin getur ekki rekið sín hjúkrunarheimili með sóma er best að láta aðra sjá um það.  Sjálf hætti ég störfum þar vegna tungumálaörðugleika en stór hluti starfsfólks er illa eða ekki talandi á íslensku. Mér finnst það forkastanlegt að fólk sem ekki talar íslensku sinni heilabiluðu fólki.

  Stöðugildum hefur verið fækkað á Droplaugarstöðum og því verða þeir sem eftir eru að taka meiri skyldur á sig.....þarf varla að taka fram að launin hækka ekki við það. Mjög fátt fagfólk vinnur á stofnuninni.

Ég skrifaði í haust um niðurskurð í eldhúsi Droplaugarstaða. Kaffibrauð var tekið af gamla fólkinu með þeim orðum að það hefði ekki gott af því!!   Kvöldmatur var flest kvöld þunn pakkasúpa og tæplega brauðsneið á mann. Ég skammaðist mín að bjóða upp á þetta.

Það gleymist alltaf í umræðunni að fólk borgar heilmikið með sér inn á þessar stofnanir. Og margir borga mikið fyrir lítið.

Ástand öldrunarmála er til stórskammar fyrir íslenska þjóð. Og launamál starfsfólks er hneisa.

Áform um breyttan rekstur Droplaugarstaða

Mikið vildi ég..

.....að staðan væri svona hjá hjúkrunarfræðingum og öðrum umönnunarstéttum. Þá værum við bara í góðum málum. Gerir fólk sér ljóst að ef hjúkrunarfræðingar hætta að vinna yfirvinnu á Landspítala að margar deildir lamast strax?  Gerir fólk sér ljóst að stundum eru sumarfrí hjfr. afturkölluð vegna manneklu? Það er ekki vinsælt að taka fullt sumarfrí. Þó fríin séu bráðnauðsynleg til að hlaða batteríin. Það var einu sinni rætt um það á hinu "háa" Alþingi að banna hjfr. að taka sumarfrí á sumrin.....Byrjunarlaun hjfr. eftir 4 ára strangt háskólanám eru um 215 þús  og hækka hægt og illa eftir það. Þeir hjfr. sem vinna yfir 100 yfirvinnustundir á mánuði  fá samt þolanleg laun. En það er ekki eftirsóknarvert né heldur á allra færi.

Vinna ekki keyrð áfram á yfirvinnu

Undarleg frétt.......er búin að lesa betur!!!!

Tekið er fram að engin slys urðu á fólki, þó eru 2 börn látin og móðir þeirra á sjúkrahúsi. Það hreinlega hringlar í hausnum á mér að lesa þessa frétt.

Börn brennd inni í Danmörku

200 kíló

Það er ekki lítið.  Og gott að það fannst.  Vonandi verða þjálfaðir sem flestir fíkniefnahundar.  Markaðurinn er greinilega stór. En þetta minnir mig á samtal sem ég átti á geðdeild fyrir u.þ.b. 27 árum. Viðmælandi minn var ungur mjög veikur maður.

Hólmdís...hefur þú reykt hass?"

"nei"

"Eg reykti einu sinni hass fyrir vestan"

"nú"

"já það var annað hvort hass eða Midlands"

Nei hann var ekki alveg viss blessaður.  

Ekki tilviljun að hass fannst