Færsluflokkur: Spaugilegt

Kæra Þjóðarsál.

   Ég bið þig lengstra orða að fara gætilega í dag og alla daga. Það sem þér hefur nú hlotnast bronsið munu stjórnvöld fylgjast sérstaklega vel með þér.  En þú skrifaðir nú fallega um Árna Matt svo kannski er hættan ekki mikil. Eigðu góðan dag.
mbl.is Ötulasti bloggari Malasíu handtekinn
Tilkynna um óviðeigandi tengingu við frétt

Gott að þessir voru ekki hér

........þá hefðu verið fjöldahandtökur við Perluna síðast liðinn föstudag  þegar stór hópur fólks ráfaði um á nærbrókunum einum fata í illviðrinu sem þar geysaði.

Allt í nafni góðrar samvinnuW00t


mbl.is Handtekin sökum nektar
Tilkynna um óviðeigandi tengingu við frétt

Taggart á hvurju horni

Gaman að ganga Laugaveginn í dag.  Skotarnir heilla mig upp úr skónum.....ég horfi á eftir hverju pilsi.   Langt síðan ég hef snúið mér við til að horfa á eftir karlmönnum.  Og skoskan.....frábært að hlusta.  Mynstrin í pilsunum er enginn tilviljun...........ég held að hver ætt eigi sitt eigið.  Ég fer aldrei á völlinn en í dag langar mig.  En verð að vinna.

Djúpt snortin

Það gleður mitt litla hjarta  óumræðanlega að hin djúpvitra bloggfærsla mín frá í gærkvöldi hafi komist undir liðinn "heitar umræður" .  Að baki þeirri færslu var mikil vinna og mikið í lagt.

  








Í mál við Sigga storm

......Í gærkvöldi sagðist hann búast við smáskúrum í Reykjavík í dag en hér hefur rignt hrosshausum.  Ég treysti mér ekki einu sinni út með ruslið en um 2 metra að fara án þess að hafa þak yfir höfuðið.

Ber maðurinn virkilega enga ábyrgð á orðum sínum?


Hlerað í Peking

Dorrit:   "þeir eru flottastir"

Óli:  JÁ elskan...þeir eru sómi Íslands sverð þess og skjöldur.

Dorrit: "strákarnir okkar"

Óli:  já það er sko satt elskan.....hvað geturðu ekki setið kyrr manneskja?

Dorrit:  Ég ætla að fara að knúsa þá dálítið..

Óli: æi sittu kyrr elskan mín

Dorrit svífur á braut til að fagna Íslenskum sigri.  " Ísland er stórasta land i heimi" sönglaði hún. Seinna heima á hótelherbergi: Dorrit: Óli minn við verðum að gefa þeim eitthvað....þeir eru hetjur.

Óli:  Við höldum Þjóðhátíð. Fáum lúðrasveit....skjótum upp fánum..hrópum margfalt húrra.

Dorrit: Dáldið sveitó finnst þér ekki?

Óli: hva?....svona gerum við á Íslandi.

Dorrit: Getum við ættleitt þá?

Óli: Ertu ekki að grínast elskan?

Dorrit: Eigum við að gefa þeim hring?

Óli: Elskan mín þetta eru alvöru strákar....þeir vilja ekki skartgripi.

Dorrit: Við eigum nú fullt af dóti heima á Bessastöðum....eigum við að hafa partý og leyfa þeim að velja.....getum fengið Sigurrós til að spila og svona....

Óli: Ertu nú alveg að missa þig fiðrildið mitt?

Dorrit: en þessir jólapeningar sem fólk fær fyrir að mæta í vinnuna sína?

Óli: Jólapeningar...hvað ég borga engum neitt....Íslendingar borga mér.

Dorrit: Kjáninn minn ég meina orðurnar...eigum við ekki nóg af þeim?

Óli:Satt segirðu Dorrit mín... ég gæti svo sem hengt á þá pening.....jú ég geri það bara.....geturðu þá ekki farið að sofa....ég er orðinn dauðþreyttur.

Dorrit.: Góða nótt Óli minn.

Óli: Góða nótt.

10 mínútum síðar:

Dorrit: Óli minn ertu sofnaður?

Ekkert svar.

Dorrit: Óli minn.....gætum við farið í hestvagni niður Laugaveginn á undan liðinu?

Ekkert svar.

Dorrit: jæja Óli minn....mér dettur eitthvað í hug...

Óli: Elskan mín...farðu að sofa....ekki hugsa meira....

 


mbl.is Fálkaorðan bætist í orðusafnið
Tilkynna um óviðeigandi tengingu við frétt

Það er nú einmitt það og það er nú líkast til

Þá er afsökunin komin fyrir því að hafa gifst  Herra Röngum.  Gott að það var ekki sjálfskaparvíti.  Þegar ég hugsa til baka man ég einmitt eftir hvað maðurinn var leiðinlegur þegar ég var á pillunni.............sem var lengst af LoL.

Annars hef ég meiri áhuga á bankareikningum en líkamslykt....þótt Armani ilmurinn sé nú góður Wink

Hvað skyldum við nú margar hafa lent í þessu?

Þið sem eruð í makaleit......verðið að framkvæma nákvæman nasaþvott....tvisvar á  dag.  Og auðvitað hætta á pillunni. ( Getur verið að páfinn hafi látið gera þessa rannsókn?)

Ætli lyfjafyrirtækið geti verið bótaskilt?   Ég vil himinháar bætur takk fyrir pent.  Tala við lögfræðing strax fyrramálið...

Ásdís þú ætlar að kenna  mér að losna við aukakallana.....

  








mbl.is Hr. Rangur valinn vegna pillunnar
Tilkynna um óviðeigandi tengingu við frétt

Var handboltinn ekta?

Ef allt er í plati í Kína getum við þá treyst því að leikurinn á móti rússum hafi verið ekta? Allt tölvustýrt?    Reyna að sjá þetta vel á eftir.  Annars hef ég ekkert horft á sjónvarp frá Ól.  








mbl.is Allt í plati í Peking
Tilkynna um óviðeigandi tengingu við frétt

Þetta er sko hressandi


Kannabis.

Fyrir nokkrum árum fór ég inn í verslunina "Soldis" sem seldi silkiblóm. Þar inni var sjónvarpsfólk frá stöð 2.  Verið var að taka viðtal við afgreiðsludömurnar vegna "stóra kannabissmálsins". Og ég fékk að heyra alla sólarsöguna. 

  þannig var að í Reykjavík var einhver mikil Lögregluráðstefna.  Tveir ungir og áhugasamir lögregluþjónar gengu fram hjá búðinni og töldu sig sjá þar myndarlega kannabisplöntu. Mig minnir að þeir hafi fengið liðsauka áður en  innrás var gerð í verslunina.

"Kannabisplantan" reyndist  vera japanskur hlynur úr silki.  Ég hefði viljað sjá framan í þá þegar þeir áttuðu sig.  En fólkið í búðinni var harla ánægt með athyglina. Sennilega besta auglýsingin þeirra.

Þær seldu reyndar heilmikið af "sumarblómum" sem fólk setti niður í garðana sína og þurfti aldrei að vökva.


mbl.is Með kannabisplöntur í glugganum
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband