Soðið brauð

......Hér kemur gömul uppskrift af soðnu brauði.

5 bollar hveiti

tæplega 1 bolli sykur

1 tsk salt

1/2 lítri súrmjólk + vatn

4 tsk lyftiduft

1 tsk hjartarsalt

1 tsk natron

1-2 matsk. matarolía

kúmen ef vill

Þetta er hnoðað, flatt út og skorið í hæfilegarkökur.  Steikt í feiti í potti.

Verði ykkur að góðu

Sjávarréttir í kryddlegi

Lofaði að setja þetta hérna inn. Gerði þennan rétt fyrir jólagleðu saumaklúbbsins míns.  Uppskriftin er úr gömlu Gestgjafablaði.

150 gr hörpudiskur

250gr rækjur

250 gr krabbakjöt ( þessu bætti ég við og finnst gott)

1/2 gúrka mjög smátt skorin og kjarnhreinsuð

1 msk ferskt kóríander smátt saxað

1 rauð paprika smátt skorin

3 marin hvítlauksrif

2 msk ferskur appelsínusafi

safi úr einni límónu salt og pipar

1 dl ólífuolía

Skreytt með 1 avocado sett þegar borið er fram

Öllu blandaðsaman og látið marinerast í 6-10 klukkustundir. Gott að hafa gott brauð með.

Verði ykkur að góðu.  Magnið sem ég gerði í gær var úr 3 kílóum af fiski.

Grænir tómatar í engiferlegi.

......Eitt af því sem er nauðsynlegt með hátíðamatnum á mínu heimili.  Er með nokkra fasta kúnna í áskrift af þessu.  Skreyti þá krukkurnar með fallegum borða og greni.........svo jólalegt.

1 kg litlir grænir tómatar

3 dl vatn

2 dl edik ( ég nota Heidelberg lageredik)

2 tsk sítrónusafi

700 gr ávaxtasykur ( löngu hætt að tíma að kaupa hann nota bara strásykur)

5 negulnaglar

1 tsk smátt söxuð engiferrót

10 græn piparkorn

Tómatarnir eru þvegnir og pikkaðir með gaffli. Allt sem á að fara í kryddlöginn er sett í pott og suðan látin koma upp.tómatarnir soðnir við vægan hita í 4-5 mín.  Sett í hreinar krukkur og lok yfir.Tilbúið eftir 2 sólarhringa en geymist í marga mánuði.

Þessa uppskrift setti Fríða Sophia Böðvarsdóttir í Gestgjafann einhvern tímann á síðustu öld og vona ég að hún fyrirgefi mér.

Verði ykkur að góðu sem þora að prófa.

Panga fiskur.

Mæli með að þið prófið pangafisk sem m.a. fæst í Hagkaupum.

Í hádeginu steikti ég hann upp úr olíu. Velti honum fyrst upp úr hveiti. Setti svo sjávarréttakrydd frá NoMu. Smá sítrónusafa. Rækjur yfir í lokin. Og borðaði með nýjum kartöflum og smjöri og tómötum. Delicious.

Hef áður matreitt hann og þótt góður. Næst set ég hann í fiskisúpu.

Og svo út í góða veðrið               

MÆRA

Í tilefni af Mærudögum á Húsavík. Orðið"mæra" er sérhúsvíkst.  Og þýðir sælgæti.  Þegar ég var barn notaði maður nánast aðeins þetta orð yfir  sælgæti.  Við krakkarnir fórum "niður fyrir bakkann" og í skúrana.  Það var maður nokkuð viss um að góðhjartaðir sjómenn lumuðu á mæru. Ég man að Gísli Jónsson íslenskukennar þekkti ekki orðið í þessari merkingu....en orðið þýðir víst ögn eða eithvað smátt samkvæmt orðabókum. "Nú skulum við liggja í mærunni" var stundum sagt.

Ég man að eftir að ég kom suður fór samstarfskona mín  í sjoppu . Ég let hana hafa aura fyrir gosi og sagði henni að kaupa mæru fyrir afganginn. Hún stóð lengi og gapti " Hvað sagðirðu?"

Og ég hef komist að því að garðvinna er ekki áhættulaus.  Mágkonu minni tókst að handleggsbrjóta sig við að reyta arfa. Geri aðrir betur.

Að lokum bið ég Bertu að þyrma blómunum mínum.

Matur sem bætir minnið.

..Ekki veitir af .....

Fiskur  sem er ríkur af omega 3 fitusýrum s.s. villtur lax, sardínur, silungur, ostrur og makríll. Mælt er með því að borða þessar fiskitegundir a.m.k. þrisvar í viku.

Ber. Og þá sérstaklega bláber. Mælt með einum bolla á dag.

Laufgrænmeti t.d. spínat. Ríkt af fólínsýru. Það eru tómatar líka. Borðist á hverjum degi.

Verst hvað bláber eru dýr.

Verði ykkur að góðu.

Ekki bita að fá

var þetta ekki bara sjálfsbjargarviðleitni?

Svangir fingralangir

BORSJ

.......er rússnesk rauðrófusúpa. Uppskriftina fékk ég hjá Lenu, rússneskri konu sem bjó á Íslandi í næstum hálfa öld. Lena talaði góða íslensku og hafði betri orðaforða en margir Íslendingar. Nú hefur Lena mín kvatt okkur og heiðra ég minningu hennar með þessari uppskrift en Lena var afbragðskokkur.

1 rauðrófa, skorin í "hálm"

hvítkál "sem henni svarar" og skorið í "hálm"

4 hvítlauksrif. Smátt skorin.

1 dós tómatmauk

2 msk matarolía

dál. vatn.   Þetta látið malla í 20-30 mín við vægan hita. Síðan þynnt með sjóðandi vatni. Súputeningur eftir smekk. Lárviðarlauf. Pipar.  Nokkrir dropar tabascosósa. Soðið áfram í 15-2o mín. Rjómasletta á hvurn disk og súpunni ausið yfir. Þessi súpa er góð. Verði ykkur að góðu.

 

Kinnar.

Þessi uppskrift er frá Rúnari Marvinssyni og nota ég helst steinbítskinnar sem mér þykja mjög góðar. Uppskriftin er fyrir fjóra.

Eggjahræra; 4 egg, 1 dl rjómi, picanta eða salt, estragon. Þetta er þeytt og kinnunum velt upp úr þessu.   8-12 ósaltar kinnar. Síðan er kinnunum velt upp úr rúgmjöli með smávegis heilhveiti í. Og svo aftur upp úr eggjahrærunni.   Kinnarnar eru steiktar í smjöri og lagðar til hliðar.

Sósa; gerð á pönnunni. Smjörklípa sett á pönnuna. 2 hvítlauksrif söxuð sett beint á pönnuna. Estragon. Picanta 1/2 - 1 tsk. 1 peli af rjóma. 1 glas af hvítvíni. Látið sjóða niður. Borið fram með soðnum kartöflum, gulrótum blómkáli og spergilkáli.

Og auðvitað kalt hvítvín með. Verði ykkur að góðu. Mér þykir þetta svakalega gott

 

 

Matseðill

Nú þegar styttist í mikinn gleðskap  á Akureyri vegna 30 ára stúdentsafmælis er ýmislegt rifjað upp svo sem matseðill heimavistarinnar. Ég stal þessu frá Gunnu sem stal þessu frá Nönnu....

hjólbarðar

felgur

nagladekk

kjöt í myrkri

skóbætur

gamla konan sem dó

slys

járnbrautarslys

fiskur í vatni

blóð og gröftur /gula hættan /dularfulla eyjan

gult vatn með bitum

græna vatnið

túrtappavatn/túrsúpa

teygjugrautur

handsprengjur

indjánabellir

svertingjabellir

Eyvindur með hor

Eynindur í sparifötunum

Því miður get ég ekki látið uppskriftir fylgja. Ég var sko í fínu fæði hjá Gunnfríði ömmu minni.