Nei takk, sama og þegið

    Hverjir taka ákvörðum um að bæta þessu á mig?  Ég vil sjá nöfnin.  Það er ekki hægt að velta öllu yfir á okkur eymingjana....................

Hvað vilja stjórnvöld losna við marga úr landi?  

 

Kröfur verði felldar niður að hluta

Kreppumeðul

..............Ríkisstjórnin hefur greinilega fundað stíft um hvernig atvinnulaust fólk á að hafa ofan af fyrir sér í kreppunni.  " Látum þá fá Viagra....þá verða þeir ekki eins aggressivir".  "Sviptum þau svefni þá orka þau ekki að mótmæla"  Áður var búið að svipta skrílinn brjóstbirtunni.

Annars eru mótmælin að harðna.  Þetta verður skelfilegt eftir nokkrar vikur. Tryggvi hættur í Landsbankanum............aðrir hunsa mótmælin.  Hann er maður að meiri.

Svefnlyf hækka í verði – stinningarlyf lækka

Hann þyrfti að komast hingað.

.........Hér má allt.

........Hér eru næstum engin lög um Fjármálafyritæki.  Þannig að flest er löglegt.

.........Hann þarf ekki að óttast eftirlit.

.........Ef illa fer borgar almenningur skuldirnar hans.

........Hann þarf ekki að óttast rannsókn fyrr en hann hefur eyðilagt öll gögn.

........Hann á það ekki á hættu að vera handtekinn.

........Ekki verður gengið á "eigur" hans.

........Hann þarf ekki að skila vegabréfinu sínu og er frjáls eins og fuglinn.

.......Hér gæti hann orðið Viðskiptamaður ársins.

.......Hér myndi hann blómstra.

Madoff í stofufangelsi

Ekkert nýtt að þessi lög séu brotin

          Nægir að minna á MS sjúklinga sem ekki hafa fengið bestu mögulega meðferð með Tysabri lyfinu.

Hvernig hægt er að skera niður í heimahjúkrun er ofar mínum skilningi. 

Þetta er aðför að sjúklingum svo ekki sé tekið dýpra í árinni.

Sveiattan.

Kastað 60 ár aftur í tímann

Svarti Pétur ruddist inn í bankann...............

                    fyrir nokkrum árum. Nú þarf að taka til eftir hann. Mótmælum mun ekki linna fyrr en allt verður komið upp á borðið.  Við " ungmenni" þessa lands á öllum aldri munum safna kröftum yfir hátíðar og koma svo herskárri en nokkru sinni fyrr eftir áramót. Reyndar var ég bara heima á náttkjólnum á meðan þetta duglega fólk lét heyra í sér.

Þá þýðir ekkert fyrir stjórnvöld að kyrja áfram sönginn "haltu kjafti, snúðu skafti aulinn ellegar ég slæ þig í rot!"

Ruddust inn í Landsbankann

Á meðan fólkið sveltur.

                  Hvernig væri að fara að snúa sér að fólki?

Við verðum að sleppa svona gæluverkefnum núna.  Þetta er skandall.

Hundrað og fjörutíu milljónir í EXPO 2010

Að líta vel út.

.................Mér sýnist ríkisstjórnin forgangsraða þannig að við lítum vel út út á við.  En við getum ekki litið vel út í hinum stóra heimi þegar ekkert er gert sem skiptir máli.  Við verðum að fá nýtt fólk í allar stöður.  Öðruvísi er ekki hægt að halda áfram. Það skiptir meira máli  fyrir þessa ríkisstjórn hvað öðrum finnst um okkur en hvernig fólki líður hér. Þess vegna er almenningur látinn borga Icesave. Við því segi ég nei takk.............ég er ekki aflögufær.

Hvers vegna í ósköpunum er ekki stórlega dregið úr utanríkisþjónustunni? Hvers vegna er ekki Varnarmálaskrifstofunni lokað?

Hvers vegna eru fjárglæframenn ekki handteknir og eigur þeirra frystar?

Hér er farin sú leið að leið að láta almenningi blæða. Sérstaklega þeim sem hafa ekkert aflögu.  Fólk er hreinlega hrakið úr landi.  Heilbrigðisstofnanir sem voru í fjársvelti i "gróðærinu" eiga enn að skera niður. 

djö....ég er svo reið að ég kemst ekki í jólaskap

Öryrkjar mótmæla boðaðri skerðingu

Hvað eru til margir heiðarlegir Íslendingar?

....................alls staðar vellur upp gröfturinn.  Miklar sögur ganga um spillingu þingmanna og fleiri ráðamanna.   Spillingin er landlæg eins og lúsin hér áður.  Öll virðing og traust á stjórnmálamönnum er fokin lengst út á haf.  Þjóðfélagið er helsjúkt.  Ríkisstjórn og Alþingi vinna hratt og vel þegar verið er að auka álögur á fólkið í landinu sem er að missa vinnuna og heimilin.  Svo hratt að það veldur verulegri velgju.   En vinnan gengur hægt þegar kemur að eftirlaunaósómanum og rannsóknum í fjármálastofnunum.  Er von að okkur detti ýmislegt misjafnt í hug?  Þetta er ekki samfélag sem nokkur vill búa í lengur.   Þeir fara sem það geta. Mér fannst rök Ingibjargar fyrir því að ég og þú borgum Icesavereikningana ekki góð." Áttum við að skilja fólkið eftir?"   Gátum við annað?  Það er ekki mennskt að leggja það á almenning á Íslandi að greiða þessar skuldir.  Þeir sem stofnuðu til þessara skulda eiga að greiða þær.

Eigum við nóg að heiðarlegu fólki sem jafnframt er hæft tl að gegna stjórnunarstöðum í þjóðfélaginu?

Ég er farin að efast um það.

Hér þarf algera sótthreinsun.

Starfsmaður OR leystur frá störfum

Áður en við seilumst dýpra ofan í vasa sjúklinga og þeirra sem minna mega sín

                 Væri þá ekki rétt að sækja peningana okkar á reikningana suður í Karíbahafi?

það hefur orðið æ dýrara að vera sjúklingur á Íslandi undanfarin 17 ár þrátt fyrir skattahækkanir.   Við greiðum fyrir heilbrigðiskerfið með sköttunum okkar.

þAÐ ER BÚIÐ AÐ DRULLA NÓG YFIR OKKUR.

Upptaka fæðisgjalda hugsanleg

Þetta get ég ekki skilið.

..............Alls staðar eru stýrivextir lækkaðir nema hér.  Getur einhver útskýrt það?   Afhverju gilda önnur lögmál á Íslandi en annars staðar?   Ísland er eitt af þremur löndum í heiminum með verðtryggingu á lán.   Við erum bara þrælar hér.

Hér er ekkert verið að dempa fallið. Hér skellum við bara beint niður óvarin. 

Hugsanlegt met í stýrivaxtalækkun