Niðurstöður nýrrar rannsóknar.

Stolið af vinnustað.

Nýjar rannsóknir sýna að konursem drekka of lítið af víni eiga á hættu að fá sjóntruflanir. Lýsir þessi sjúkdómur sér með því að augun eins og rykkist til og allt verður ógreinilegt og eins og á hreyfingu. Þetta er mjög áberandi þegar horft er á efni á tölvuskjá. Allar konur sem taka eftir að hafa þessi einkenni ættu að taka sér frí frá vinnu og drekka meira vín. Ef einkennin eru viðvarandi þarf að skipta um víntegund..

Einnig hefur borið á  þessu bæði hjá körlum og konum sem stunda lítið kynlíf eða jafnvel ekki neitt svo það er sennilega bara best að detta í það og stunda VILLT sex.

Annars  er ég farin að sofa.....

Allt titrar og skelfur

Í morgun skalf allt og nötraði í Öxarfirði og núna er skjálftahrina við Grímsey.

Ég man þegar stóri Kópaskersskjálftin reið yfir um árið. Þá sat ég í tíma í MA. Kennarinn okkar tók jakkann sinn og hljóp út.  Næst þegar við hittum hann fórum við að ræða þetta og spurðum hvort hann hefði verið hræddur.  "Ég er verkfræðingur og veit hvernig flöt þök virka í jarðskjálfta" En hann nefndi það ekki við okkur ó nei.

Vinkona mín var hins vegar stödd á Kópaskeri og hljóp vitanlega út. Þegar skjálftinn var liðinn hjá fór hún inn aftur að leita að ketti!! Sá hafði auðvitað forðað sér á hraða ljóssins.

Á Húsavík lá bróðir minn fótbrotinn uppi í rúmi og átti ekki að hreyfa sig. Þar hrundi úr hillum og allt fór af stað.  Hann hlýddi sínum fyrirmælum en viðurkenndi að sig hefði langað að hlaupa út.

Ég viðurkenni fúslega að mér þykir gaman að finna jarðskjálfta........og á enn von á skjálfta hér sunnanlands.  En ætli hjartað yrði ekki lítið ef hús tækju að skemmast í kringum mig.

Jarðskjálfti í Öxarfirði

Laumufarþegar

......ég hef blessunarlega bara séð einn spánarsnigil og það var á miðjum Laugaveginum. Þetta er mikill skaðvaldur og betra að hafa augun opin. Hvet alla garðræktendur til að hafa augun hjá sér og salta kvikvendin.....en þeir drepast af salti. Kannski ná þeir sér ekki á strik ef við erum dugleg að drepa þá. Ágúst er þeirra tími....þeir elska rakt og hlýtt loft.

Kann einhver gott ráð til að losna við þá?

Spánarsnigill fannst í Hnífsdal

Sjálfskipuð skjálftavakt.

Smáskjálftarina er núna í Vatnajökli. Stærstu skjálftarnir mældust 3.5 og 3.1 á Richter. Ætli við tökum því ekki bara með stóískri ró eins og ferðalangarnir á Rhodos. En mikið vildi ég að veðrið á Rhodos væri komið í garðinn minn....en það er að þorna á,   kannski verður hægt að fara á skriðsóleyjaveiðar seinni partinn.

„Tóku þessu með stóískri ró"

HITABYLGJA

.....Ég ætla að leggja inn kvörtun vegna hitabylgjunnar sem ku vera á landinu. Hún er svo fjári köld. Væntingavísitalan fór upp úr öllum hæðum fyrir helgina. Þegar ég lét plata mig til að vinna 12 klst í gær var veðurspáin upp á 21 gráðu og sól. Var reyndar fegin að það rættist ekki enda innilokuð allan daginn. En í dag hefði nú mátt sjá til sólar.......fer bara undir teppi að horfa á Jane Eyre lokaþáttinn sem ég missti af um daginn.

P.S Dreymdi hvorki meira né minna en 2 eldgos á Reykjanesi.

Skjálfti upp á 5.7

Var skjálfti upp á 5.7 í Bárðarbungu eða ekki?  Engar fréttir um það en samkvæmt skjálftakortinu virðist það hafa verið.      En aftur í garðvinnu........

oh hann kemur...

..........alveg er ég sannfærð um það að sá stóri er á leiðinni. En ég ætla að leggja mig fyrst eftir 17 tíma vakt...

Skjálftavirni að aukast á ný

Hvað er að gerast í hafinu???

Sjór gekk á land í Færeyjum fyrir skjálftann .....og nú óvenjuleg sjávarföll við strendur Skotlands. Er einhvers staðar neðansjávargos   eða frekar neðansjávarskriður???

Jarðskjálfti kann að hafa valdið flóðbylgju

Ótrúlegar hveramyndir.

það var nú dálítið óhuggulegt að sjá sjóðandi jörðina við Hveragerði á stöð 2 áðan. Allt bullar og sýður og nauðsynlegt að loka svæðinu. Ekki notalegt að stíga "niðr´úr" þarna.  Forvitið fólk gæti sannarlega farið sér að voða þarna.  Eins og forvitna fólkið sem fór að skoða bangsann fyrir norðan hefði getað gert.  En það var greinilegt að það eru fleiri en ég sem búast við stórum skjálfta vestar en sá stóri var um daginn.  Kannski maður fari að pakka brothættu niður......

Bláfjöll næst????

Skjálftavirkni  virðist vera að færa sig vestar eftir Reykjanesskaga.  Ekki fann ég þennan Hellisheiðarskjálfta né heyrði. Fróðlegt að fylgjast með framhaldinu.