Of brjóstasmáar fyrir mótorhjól.

......þarna ferðast allir á mótórhjólum.....fæstir á bílum.  Heilu fjöskyldurnar ferðast  saman á einu hjóli.  Algeng sjón er t.d. 5 manna fjölskylda + hundur + ferðatöskur.   Heilu búslóðirnar eru fluttar á þessum farartækjum.  Þarna hef ég meira að segja ferðast á mótorhjóli

En þetta er dæmi um stjórnvöld sem fara fram úr sér 

Brjóstasmáum bannað að keyra

Stemmir ekki

.....................þarna er eiginlega alltaf sól og blíða og rúmlega 20 stiga hiti.  Enda sést að þetta er málverk en ekki ljósmynd.

  

 

Skemmdir á mannvirkjum

Ég elska þig svo mikið

.....að ég gæti étið þig.   Nánari verða samskiptin varla en þetta.  En kannski tapaði hann bara á íslensku bönkunum og var bara svangur.

Andskoti getum við orðið sjúk...þetta er svo hrollvekjandi

Mannætukokkur dæmdur í lífstíðarfangelsi

Afhverju ekki ég?

.....æ nú hefði það komið sér vel að vera skilja við Madonnu. En það á líklega ekki fyrir mér að liggja.

Býst við miklum tíðindum í dag frá stjórnvöldum.

Ritchie fær 10 milljónir og þegir

Orðið heimabanki fær nýja merkingu

   kannski þetta sé framtíðin að hver lúri á sínum aurum heima. Vonum ekki.  En ég gæti hugsað mér að eiga svona skáp þar sem ég gæti gengið að greiðu og naflaklippum á vísum stað. Sólarpúðrið mitt væri ekki horfið ef ég hefði átt svona skáp og ég myndi alltaf eiga límband og skæri.

En ég sé ekki fyrir mér að Íslenkur almenningur kaupi hlutabréf í íslenskum banka næstu áratugina. Og varla nokkur hlutabréf.  Það mun taka langan tíma fyrir þjóðina að jafna sig og "gleyma"

 

Peningaskápasala stóreykst

Fallegur dagur

snjór yfir öllu og sól.   Minnir á nýársdag. Ró og friður.   Ég ætla að sleppa því í dag að lesa um hrun Íslands....það fer svo illa með sálina. Ég breyti hvort eð er engu.  Ég ætla bara að vera strútur í dag. Allt er sem sé í himnalagi hjá mér.

Ætli að það sé enginn kvóti?

...Hann virðist í það minnsta hafa verið að veiða framhjá kvóta og því hafi lögreglan tekið hann.  Maðurinn hefur stundað þessar veiðar í 33 ár.  En svona í alvöru þá held ég að þessi maður búi við raunverulega kreppu.  Andlega kreppu.

Á nærbuxnaveiðum

Jómfrúarliljur

               Núna þegar garðurinn minn hefur misst allan sinn sumarsjarma eru jómfrúarliljurnar     (gladíólurnar) byrjaðar að blómstra  og hvílík fegurð.   Háar hvítar og glæsilegar.  Rokið þó búið að skekkja þær aðeins.  Það hefur verið svo leiðinlegt veðrið að ég er löngu hætt að hirða garðinn og það sést vel.   Vonandi viðrar einhvern tímann til að setja niður haustlauka.....sem eru ávísun á litríkt vor.  Annars finnst mér þessi tími frá 1. okt til jóla alltaf svo óskaplega fljótur að líða.  Tími kertaljósanna.  Ég er mikið fyrir að kveikja á kertum úti í garði en þetta haust hefur eins og síðasta haust verið full blautt og vindasamt til þess arna.  Nú er að kólna en það er í lagi bara ef það er stillt og þurrt.................allt nema rigningu og rok  takk pent.

Eitt sinn var ég ung og fögur nú er ég bara fögur.

     Nú ríður á að vera fögur sem forðum.  Mun hitta svo marga frá fyrri tíð á eftir.  Undirbúningur  hófst þegar í gærmorgun.  Já þeð tekur tíma og kostar peninga að ná fyrra aðdráttarafli. Byrjað var á að fara í klippingu og strípur til að undirstrika ljóskuna í mér.   Nóttin var erfið  skreið upp í rúm um tvöleytið....en var ítrekað vakin upp af afleggjurunum...svo mjög að ég fór oft fram og kíkti á tölvuna.  Litla barnið vildi fá aura fyrir gosi um þrjúleytið.  Eldra barnið var í mesta basli með að smygla hér inn folaldi.  Henni tókst það. 

Í dag hófst svo sparsl og málningarvinna.

Ætlaði að nota uppáhalds augnskuggann minn................horfinn

og nýja maskarann minn...................................................horfinn

og augnblýantinn...................greip í tómt

Svona er þetta alltaf...............samt hef ég fríkkað svo mikið síðustu klukkustund að ég verð bara feimin að líta í spegil

Trúleysinginn ég

     er enn skráð í þjóðkirkjuna.  Kannski aðallega vegna þess að ég held að það verði ættingjunum til vandræða að hola mér niður hinn hinsta dag ef ég er ekki skráð.  Mín sýn er sú að trúarbrögðin hafi verið heldur til vandræða.   Og betra að vera laus við þau.   Nenni yfirleitt ekki inn í umræður um trúarbrögð.   Mér finnst að það eigi að aðskilja ríki og kirkju.   Fáránlegt samband að mínu viti.  Við eigum að virða trúfrelsi/trúleysi.  Fólk á að hafa val í þessum efnum.  Múslimar vilja byggja mosku..............og eiga að fá að gera það.  Bara spennandi fjölbreytni í byggingalist.  Það er borgaryfirvöldum til skammar að draga lappirnar í þessu.   Margir eru til að segja mér að þetta sé misskilið umburðarlyndi hjá mér.  Er því bara ekki sammála.

Síðastliðinn vetur heimsótti ég mikinn furðustað Cao Dai.  Samfélag rúmlega 4 milljóna Víetnama.  Þar blanda þeir mörgum trúarbrögðum  saman og fara eftir því besta úr þeim öllum.  En afar furðulegt samfélag en friðsælt.

Ég hef  aldrei séð að þeir sem telja sig trúaða hafi eitthvað meira til að bera en við   þessi trúlausu.

Ég ber hvað mesta virðingu fyrir Buddistum ( ekki raunverulega trúarbrögð frekar heimspeki) vegna þess hve friðsælir þeir eru.

Og mér þykir gaman að Ásatrúarmönnum ...því þeir halda uppi okkar elstu gildum.

Mín von er sú að við getum búið á  þessari jörð og virt hvert annað án tillits til trúarbragða.

Og að öðru..............Sjálfstæðisflokkurinn.  Virkar á mig sem sértrúarsöfnuður. No matter what  alltaf er hann kosinn...............Reynum að umbera hann eins og aðra villutrú...............