Goðafoss

sá hefur nú aldeilis breyst.  Ef myndin á að sýna Goðafoss er of seint að friða hann.  Goðafoss er einhver fallegasti foss landsins. Sennilega er þetta Aldeyjarfoss þarna á myndinni.    Annars er ég hlynnt því að friða Skjálfandafljót og búin að setja nafnið mitt á listann.............sá reyndar að á listanum er ég Hólmís  og get því miður ekki breytt því.   Margir skemmtilegir fossar eru í fljótinu ss Ullarfoss og Barnafoss.

Vilja friða Skjálfandafljót

Drungi og doði

.....mikið óskaplega fer þetta veður í taugarnar á mér. Yfirhafninar ná aldrei að þorna.   Í fyrra rigndi stanslaust í 4 mánuði á þessum tíma og nú hefur rignt í nokkrar vikur. Veðrið gerir mig svo lata (árinni kennir illur ræðari) og hausinn á mér er þungur.  Veðrið hefur ótrúleg áhrif á mig. Slen og þreyta.  Ég er meira að segja orðin hölt..... Ljósmæður segja að allar konur verði vatnslausar þegar djúpar lægðir nálgast landið.  Gigtarsjúklingar finna verulega fyrir lægðagangi.  Allt verður svo fjári leiðinlegt.    Vakni ég um miðja nótt og þoka er úti get ég varla staðið upp og ég hreinlega slaga.           En um leið og sólin skín verður lífið  skemmtilegt. Tala nú ekki um ef maður fær yl í kroppinn.  Ég finn stóran mun á allri líðan þegar ég kemst í sól og hita.

Veðurfræðingar skilgreina september sem sumarmánuð.  Arrrghhhh.

Mætum öll fyrir utan Veðurstofu Íslands á hádegi á morgun og mótmælum lélegri stjórn á veðrinu.

FEGIN

................GAT ÓMÖGULEGU MUNAÐ HVAR ÉG LAGÐI HANN FRÁ MÉR.

Sportbátur í óskilum

Naktar fréttir frá Vínlandi

.........Mbl.is færir okkur enn og aftur fréttir af nöktum konum í BNA.   Þetta eru auðvitað fréttir sem skipta okkur miklu máli hér í amstri dagsins.  Og dregur athyglina frá verðbólgunni og vonda veðrinu.  Ég hef áhyggjur af þessu   ég verð bara að segja það.  Það er þó léttir að konan er farin að hjóla í þeirri skjólsælu flík; þveng.  Hafið þið séð innlegg í svona þveng?  Minnir dálítið  á pípuhreinsara ef ég á að vera hreinskilin. 

Annars góða nótt

Nakin á hjólaskautum

Breaking News.

.....Ég er farin að trúa því að Fuckingham Palace sé orðið rottulaust.  Þriðja og vonandi síðasta aðgerð virðist hafa tekist.  Ég er hætt að heyra klór í vegg .  Nú orðið hef ég líka á tilfinningunni að ég sé ein þegar ég fer í bað.   Var orðin vön að heyra brölt og klór undir gamla pottkerinu. Ekki  get ég sagt að ég sakni þeirra...........

Annars er frí hjá mér í dag og ég ætla að taka á honum stóra mínum í dag og breyta hreysi í höll svo hún standi undir nafni.  Þvottavélin byrjaði að mala klukkan 07:06.

Frettir verða næst sagðar klukkan 10:00 að staðartíma.

Fræðslu og skemmtidagur

...........hjá mér í  vinnunni í gær.   Við fórum m.a. upp í Perlu þar sem við skjögruðum í kulda og roki með bundið fyrir augum.  Vöktum athygli gesta þegar við áttum að búa til langan streng úr fötunum okkar.   Allt tiltækt notað jafnvel brjóstahaldararnir.   Glæsilegur hópur á nærbuxunum vakti að sjálfsögðu athygli enda veðrið með alversta móti.  Fáum öll lungnabólgu eftir þennan fíflagang.

Fengum svo gott að borða og skemmtum okkur fram á nótt.

Bjartar vonir vakna

................við konur sem erum að leita að ríkri fyrirvinnu getum nú glaðst.  Nýríku pappírspésarnir Íslensku virðast horfnir af yfirborði jarðar........enda búnir að sigla fyrirtækjunum í strand.

Það berast semsagt sagnir af því að sjáfur Abramovits hyggist setjast að á Íslandi.  Hann ku ætla að byggja sér hús í Vaðlaheiðinni með útsýni á Pollinn og andarnefjurnar. Þetta er mikill fengur fyrir okkur kvenþjóðina.   Hann á nú víst kærustu...................en það á nú ekki að vera fyrirstaða fyrir Íslenskar valkyrjur.

Þetta er nú meiri andsk..........belgingurinn

Hvaðan kemur þessi stór grein sem liggur fyrir framan gluggann minn........? Mér er hrollkalt held ég skríði bara upp í aftur.    og laufin um öll gólf.    Er Ike eilífur?   Eða afturgenginn?  Eða vitnar þetta eitthvað um stjórnarfarið í landinu.......eða bankastarfsemi?  Í öllu falli held ég að það sé ráðlegt að lúra lengur.   Og láta sig dreyma sól og sumar.

 

 

 

 

Eldhúsið mitt er að verða allaufgað.

Hver var að tala um haust?.....Kom heim úr  vinnu skömmu eftir miðnætti og fór beint út í garð að huga að lausamunum minnug næturinnar forðum þegar ég dansaði á náttkjólnum hér úti.  Vonandi losna ég við það í nótt.  En eldhúsglugginn minn er opinn og það er bara talsvert af laufum hér og mold í glugganum.  Svona veður  kallar á kertaljós og notalegheit.

Annars fann ég það í vinnunni í kvöld að margir eru veðurhræddir.  Vona að nóttin verði bærileg hjá ykkur og það fari nú ekki allt á flot.

Í minningunni eru rafmagnslausir  norðlenskir stórhríðardagar bara notalegir.  Kertaljós og kósýheit. 

Ídentitetskrísa

Þessi ungi maður hefur greinilega ekki  hugmynd um hvert hans hlutverk er á heimilinu. Það þarf einhver að upplýsa manngreyið um hlutverk karla i sambúð.  En unga konan hefði kannski getað notað mildilegri aðferðir við að koma honum í skilning um þetta.  Til hvers halda karlmenn að þeir séu?  Þetta er annað af tvennu sem hægt er að nota þá til.

Minn heittelskaði  fyrrverandi  fann mér það nú til foráttu að vilja ekki uppþvottavél.  Mér dugði að hann vaskaði upp en svo tók hann nú að bila....eins og gerist.  Og enga varahluti að fá.

En ég get ekki opnað póstinn minn og það er ergelsið mitt í dag.

Ákærð fyrir líkamsárás í kjölfar rifrildis um uppvaskið