Til hamingju Íslendingar.

.............Við eigum enn eitt heimsmetið.  Nú er það sko gullið.

En við þurfum að borga fyrir það sannarlega.    Með öllu sem við eigum þar með ærunni.

So!

Dýrasta endurskipulagning mannkynssögunnar

Hættulegasta fólkið er ekki farið á stjá.

.....sennilega er það enn að fá greidd laun.  Í febrúar og mars kemur það út úr skápnum. Atvinnulaust ungt fólk með börn á framfæri.  Fólk sem átti framtíðina fyrir sér fyrir nokkrum mánuðum.  Fólk sem búið var að skapa sér og börnum sínum falleg heimili og taldi sig búa við öryggi. Hefur tekið há húsnæðislán sem það hefur enga möguleika á að ráða við. Fjölskyldur munu splundrast.  Reiðin og heiftin sem þá mun blossa upp er eitthvað sem við þekkjum ekki hér.  Þá verður fólk dregið til ábyrgðar.  Atburðirnir á Alþingi í dag eru saklausir.  Eða liggja margir sárir ? Eru skemmdir miklar?   En Siv var brugðið.  Þjóðinni er reyndar mjög brugðið en það er ekki vegna háreistis nokkurra skólakrakka.  

Ég hef ekki séð neitt frá yfirvöldum sem getur spornað við miklum flótta frá landinu. 

Siv: Vildi helst hlaupa í felur

Borgarafundur í háskólabíói

................Við Sigrún Jónsdóttir drifum  okkur á fundinn í Háskólabíói.  Mun færri sóttu þennan fund en þann síðasta þegar hundruð þurftu frá að hverfa. Sigrún var tilbúin með spurningu um framfærslugrunn en komst ekki að.   Það er alveg undarlegt að ekki sé til raunhæfur framfærslugrunnur þegar fólki eru reiknuð laun. Það var mikill hiti í fólki og langt frá því að allir  þeir  sem vildu tjá sig gætu það.

 Forystumenn verkalýðshreyfinganna  voru spurðir um launin sín. Gylfi Arnbjörnsson uppýsti um sín 8-900 þúsund á mánuði.  Ögmundur þyggur ekki laun hjá BSRB.  Kristín sjúkraliðaformaður sagðist vera á sjúkraliðalaunum.  Guðmundur rafiðnaramaður sagðist á rafvirkjalaunum.  Gunnar VR kall og lánayfirstrikari Kaupþings sagðist vera með "markaðslaun" . Honum fannst greinilega eðlilegt að vera með 5 föld meðallaun í VR. Hann sagði meðallaun í VR vera um 400 þús. á mánuði.  Lægstu taxtar (18 ára) eru um 140 þús á mánuði.  Hvernig er hægt að samþykkja laun sem duga hvergi nærri til framfærslu?

Mikil pína held ég að það hafi verið fyrir Björgvin bankamálráðherra að sitja þennan fund.

Gunnar Sigurðsson leikstýrði fundinum með ágætum.  Hafi hann og aðrir sem standa að þessu þakkir fyrir.

Hiti í fólki í Háskólabíói

Er hægt að svara svona?

..........Geta ráðherrar endalaust falið sig á bak við svona svör? 

.........Það er hverjum manni ljóst að upplýsingaflæðið milli seðlabanka og ríkisstjórnar var með eindæmum lítið og lélegt.  Einnig á milli ráðherra í ríkisstjórn.   Að minnsta kosti man enginn neitt.  Það sváfu allir.  Reyndar voru þau alltaf í útlöndum.  Fyrir þetta greiðum við með ærunni og aleigunni.  Ég tók eftir að innanríkisráðherra Grikkja bauðst til að segja af sér vegna mótmælanna þar í landi.  Ráðherrar á Indlandi sögðu af sér í kjölfar hryðjuverka.  Á Íslandi sitja menn sem fastast þótt hér hafi allt farið á hvolf.

.........Þyrnirós hefði verið betur vakandi.

Munið borgarafund í Háskólabíói í kvöld.  Þar munu mæta forkólfar stéttarfélaga og lífeyrissjóða. 

Vissi ekki um tilboð Breta vegna Landsbankans

Austurvöllur klukkan 15:00 í dag.

           Gott fólk klæðið ykkur vel og mætið á Austurvöll á eftir.  Þetta verður stuttur fundur.  Það skiptir máli að mæta

Tækifæri fyrir Valgerði Bjarnadóttur

..............henni væri í lófa lagið að mynda nýtt framboð jafnaðarmanna.  Hún hefur traust. Þekkt af heiðarleika.  Ég skora hér með á hana.  Við þurfum nýtt fólk.

Framsóknarflokkurinn á líka von í fólki eins og Höskuldi Þóhallssyni.  Fögnum nýrri forystu í öllum flokkum.

Við þurfum  algera endurnýjun á forystumönnum í stjórnmálum.

Mætum á morgun á Austurvöll klukkan 15:00.

 

Vilja nýja stjórnmálaflokka

Enginn trúir neinu lengur.

.........Allir eru rúnir trausti.  Yfirlýsingar stangast á.  Þarf  þjóðin að sitja uppi með þetta?

Nú er búið að ræna okkur lífsviðurværinu, sparnaðinum og heimilunum.   Við eigum að borga risaskuldir sem við erum sögð bera ábyrgð á.  En framkoman við okkur er ólíðandi. Mér skilst að aðeins um 3% af útlánum bankanna hafi verið til einstaklinga í annað en húsnæði.  Svo varla hafa allir verið að lifa um efni fram.

Ég vil fá aðgang að mínum séreignarlífeyrissparnaði strax til að borga niður lán. Það virðist lítill áhugi fyrir því í þinginu að við fáum að bjarga okkur.

Eitthvað rotið í Seðlabankanum

Þetta þyrfti Íslenska ríkið að kaupa

...................og selja aftur að rannsókn lokinni.  Þarna held ég að mörg leyndarmál séu geymd. Í raunninni ætti að frysta bankann þar til rannsókn hefur farið fram.   Verði bankinn seldur Sigurði Einarssyni er hætt við að Íslendingar glati tækifærum til að fá allan sannleikann upp á borðið. 

 

 

 

 

 

 

 

 

 

 

 

 

 

 

 

 

Ekki ákvörðun um Kaupþing

Það getur ekki verið satt............

               Það sem ég var að lesa á Eyjunni.

               Að Bjarni Ármannsson sé búinn að kaupa Glitni í Noregi og Sigurður Einarsson kaupþing í Lúxemborg.  

              Ég er farin út að kæla mig.

En þeir sem rændu af okkur ærunni og eignunum

................sitja sem fastast.  Þessi maður í fréttinni hefur fallist á að bæta tjónið.  Munum við fá okkar tjón bætt?

Dæmdur fyrir að stela vodkaflösku